ربیع الاول 1406ھ
صفحات: 124
یہ کتاب خصائصِ نبوی پر لکھی جانے والی مشہور کتاب خصائصِ کبریٰ کی تلخیص ہے، جس میں حضرت امام جلال الدین سیوطی نے اپنے پیارے پیغمبر و رسول صلّی اللہ علیہ وسلم کے خصائصِ شریفہ اختصار کے ساتھ بیان کیے ہیں۔ ہر مسلمان پر یہ واجب ہے کہ وہ اپنے پیغمبر اور نبی کی صحیح پہچان کے لئے اس مختصر کتاب کا مطالعہ کرے، تاکہ آج کل کے گمراہ فرقوں کی باتوں میں آکر گمراہ ہونے سے بچ جائے۔ اس زمانہ میں ایسے کئی فرقے ہیں جن کی بنیاد کفار اور دشمنان اسلام نے ڈالی ہے، تا کہ وہ مسلمانوں کے دلوں سے اپنی نبی اور رسول کی عظمت و محبت کو نکال دیں، اور دین کو صرف اعمال و عبادات کا مجموعہ بناکر رکھ دیں۔ لیکن اس کتاب کے مطالعہ سے ہر مسلمان کی آنکھیں کھل جائیں گی اور اللہ کے پیارے نبی صلّی اللہ علیہ وسلم کی صحیح پہچان ہوگی۔ اس پہچان کے بغیر ایمان بالکل نامکمل ہے، کیونکہ جب تک یہ علم ہی نہ ہو کہ پیغمبرِ اسلام کی کیا شان و عظمت ہے، تب تک زبان سے کلمہ پڑھنے کا کوئی خاص فائدہ نہیں ہوگا اور کامل ایمان حاصل نہیں ہوگا۔
